Writer Niralya

“நிரல்யா”வின் இயற்பெயர் க. ஜெயமோகன். 

தென்காசி மாவட்டம் சங்கரன்கோவிலை பூர்வீகமாகக் கொண்டவர்.

பள்ளிக் கல்வியை சங்கரன்கோவில் மற்றும் மதுரையிலும், சட்டப் படிப்பை சென்னை சவீதா சட்டக் கல்லூரியிலும் மேற்கொண்டவர். முதுகலை சட்டப் படிப்பை மெட்ராஸ் பல்கலைகழகத்தில் தொலைதூரக் கல்வி முறையில் பயின்று வருகிறார். 

2017 ல், தனது சட்டப் படிப்பை முடித்தது முதல், சென்னை உயர்நீதிமன்ற மதுரை கிளையில் வழக்குரைஞர் தொழில் புரிந்து வருகிறார்.

வாசிப்பில் மிகுந்த ஆர்வம் கொண்டவர். தனது எண்ணங்களை அவ்வப்போது கவிதையாக படைத்து வருகிறார். “தனிமையின் மொழி கவிதை” (2015), “கவிஞர்கள் பாக்கியசாலிகள்” (2017) எனும் தலைப்புகளில், அவைகள் தொகுக்கப்பட்டு, மணிமேகலை பிரசுரத்தால் வெளியிடப்பட்டு, இதுவரை ஆயிரத்திற்கும் மேற்பட்ட பிரதிகள் விற்பனை ஆகியுள்ளன.

2017க்குப்பிறகு அவர் எழுதிய கவிதைகள் தொகுக்கப்பட்டு, “வானம் சுமக்கும் பறவைகள்” எனும் தலைப்பில் வரும் இந்த புத்தகம், கவிஞரின் மூன்றாவது படைப்பு ஆகும்.